Home National News 1 patay, 1 sugatan sa vehicular accident sa Ilocos Norte

1 patay, 1 sugatan sa vehicular accident sa Ilocos Norte

87
0
SHARE

LAOAG CITY — Patay ang isang lalaki habang sugatan naman ang live-in partner nito sa naganap na banggaan ng motorsiklo at Isuzu forward sa Pasuquin, Ilocos Norte nu’ng Biyernes (Nov.2).

Kinilala ni PCI Roldan Suitos, Chief of Police ng Pasuquin-PNP, ang nasawi na si Moncris Stipuler, 31-anyos, ng Pandacan, Manila habang ang sugatan na live-in partner nito ay nakilala naman sa pangalang Rechelle Correa, 32-anyos, ng Baclaran, Parañaque. Nabatid na ang dalawa ay mga turista sa naturang lugar.

Base sa report, ang dalawa ay namataan nakasakay sa isang motorsiklo sa kahabaan ng National Highway sa Brgy. Davila ng naturang bayan nang biglang may tumawid na aso sa kanilang daraanan.

Tinangka umanong iwasan ni Stipuler ang aso na naging sanhi para ma-lost control siya sa manibela hanggang sa mapunta sa kabilang lane ang kanilang sasakyan at makipagbanggaan sa paparating na Isuzu forward na minamaneho ni Rodel Austria, 28-anyos, may asawa, ng Banna, Ilocos Norte.

Agad na binawian ng buhay si Stipuler matapos na sumadsad siya sa ilalim ng truck at magtamo ng sobrang dami at grabeng sugat sa katawan habang si Correa ay dinala naman sa pinakamalapit na hospital. (RONDA Balita Online News)

SHARE
Previous articleDFA: Pinay stabbed dead in Japan
Next articleLalaki inatake sa puso habang nagmamaneho sa Ilocos Sur, tigok
Si Rolando S. Gamoso ay naging Editor-In-Chief ng dating THE AMIANAN WEEKLY EXPOSE’, isang weekly newspaper na may sirkulasyon sa buong Region I, CAR at Region II. Naging reporter/news correspondent siya for Region I sa mga pahayagang tulad ng: DAILY BALITA, TANOD Newspaper, BOMBA, PINOY PARAZZI, at POLICE FILES TONITE. Sa ngayon ay reporter/columnist siya sa THE AMIANAN BULLETIN at THE ILOCOS HERALD, pawang mga local newspaper na circulated weekly sa Ilocos Region. Maliban sa pagiging aktibo niya sa print media, aktibo rin siya sa pagiging miyembro ng broadcast media.

LEAVE A REPLY

Please enter your comment!
Please enter your name here