Home National News Anak ng actor/comedian, ‘timbog’ sa damo sa QC

Anak ng actor/comedian, ‘timbog’ sa damo sa QC

88
0
SHARE

QUEZON CITY — Nadakip ng mga operatiba ng naturang lungsod ang anak ng isang kilalang actor/comedian at dalawang kasama nito sa isinagawang­ buy-bust operation sa Brgy. Pag-asa nu’ng Huwebes (Aug. 9) ng gabi.

Base sa report kinilala ni Quezon City Police District (QCPD) P/Chief Supt. Joselito Esquivel Jr. ang mga suspek na sina Michael Clarion, alyas “Kelo”, anak ng actor/comedian na si Dinky Doo Jr.; Junard Salas at Jerome Lorenzo, pawang residente ng Palawan St., Brgy. Pag-asa, Quezon City.

Ang tatlo ay nadakip dakong alas-10:30 nang gabi sa Road 8, Brgy. Pag-asa, sa nasabing lungsod.

Nakumpiska sa mga suspek ang halos isang kilong pinatuyong dahon ng marijuana na nagkakahalaga ng P95,000, drug pharaphernalia at buy-bust money.

Ayon sa report matagal na nilang sinusubaybayan ang kilos ng mga suspek makaraang matukoy na sila ang nagtutulak ng marijuana at bawal na droga kaya isinagawa ang buy-bust operation laban sa kanila.

Ang mga suspek ay nakapiit ngayon sa detention cell ng QCPD Station 4 habang inihahanda ang kasong paglabag sa R.A 9165 o Comprehensive Dangerous Drugs Act of 2002 ang mga suspek.

Source: abante.com.ph

LEAVE A REPLY

Please enter your comment!
Please enter your name here