Batang lalaki na nanghuhuli ng gagamba, lunod sa balon

0
103

CITY OF SAN JOSE DEL MONTE, Bulacan — Wala nang buhay ang isang batang lalake na may edad 6-taong gulang matapos mahulog at malunod sa isang balon habang nangunguha ng gagamba sa Barangay Minuyan Proper, dito sa nasabing lungsod kamakalawa.

Base sa ulat na nakarating sa opisina ni P/Lt. Col. Orlando Castil Jr., Hepe ng pulis ng nabanggit na lungsod, kinilala ang biktima na si Rico Aquino, residente ng 175 Sapang Lamig, Brgy. Minuyan Proper, City of San Jose del Monte.

Ayon sa inisyal na imbestigasyon, nakita ang biktima na lumulutang sa balon na wala diumanong takip bandang alas-8 ng umaga sa 136 Quarry Barangay Minuyan Proper.

Dagdag pa ni Castil, nakita ng isang Raymart Guarin, 20 anyos, residente ng nasabing lugar ang biktima na palutang-lutang sa balon.

Umaga ng maganap ang insidente ay nakita pa umano ang biktima ng tiyahin nito.

“Libangan na umano ni Rico na manguha ng gagamba para alagaan,” ani pa ng tiyahin ng biktima.

Source: Dick Mirasol II

LEAVE A REPLY

Please enter your comment!
Please enter your name here