Home National News Getaway car na ginamit sa ambush, narekober ng La Union-PNP

Getaway car na ginamit sa ambush, narekober ng La Union-PNP

77
0
SHARE

LA UNION — Mahigpit na binabantayan ngayon ng La Union Police ang narekobre nilang sasakyan nu’ngMartes (Nov. 14) sa San Juan sa nasabing probinsya na pinaniniwalaang ginamit ng mga nang-ambush kina Balaoan Mayor Aleli Concepcion at ang ama nitong si Vice-Mayor Alfred Concepcion.

Sa panayam ng media kay C/Insp. Silverio Ordinado Jr., Information Officer ng La Union Police Provinial Office (LUPPO), isang Toyota RAV 4, kulay gray, at walang plate number ang nakuha nila sa Brgy. Nadsaag, San Juan matapos na abandonahin ng mga suspek.

Ayon kay Ordinario, ang natagpuang sasakyan ay katulad na katulad sa mga ibinigay na deskripsyon sa kanila ng mga ilang nakakita sa sasakyan na ginamit ng mga killer nung mangyari ang insidente.

Sinabi ni Ordinario na malaki ang maitutulong ng narekobreng sasakyan para sa isinasagawang imbestigasyon sa naturang kaso.

Ang convoy nina Mayor Aleli Concepion at Vice Mayor Alfred Concepcion ay inambush bandang 8:10 a.m. kahapon sa Brgy. Cabuaan, Balaoan, La Union habang nasa daan sila papuntang munisipyo.

Napatay sa naturang insidente ang bise-alkalde at ang security escort nitong si Mike Ulep habang sugatan naman ang alkalde na ngayon ay nasa mabuti nang lagay sa Lorma Medical Center sa lungsod ng San Fernando. (RONDA Balita Online News)

SHARE
Previous article3 araw na ‘di pagkain, nagpapalakas ng immune system!
Next articleSKIFI Foundation, tunay na may malasakit sa mga katutubo
Si Rolando S. Gamoso ay naging Editor-In-Chief ng dating THE AMIANAN WEEKLY EXPOSE’, isang weekly newspaper na may sirkulasyon sa buong Region I, CAR at Region II. Naging reporter/news correspondent siya for Region I sa mga pahayagang tulad ng: DAILY BALITA, TANOD Newspaper, BOMBA, PINOY PARAZZI, at POLICE FILES TONITE. Sa ngayon ay reporter/columnist siya sa THE AMIANAN BULLETIN at THE ILOCOS HERALD, pawang mga local newspaper na circulated weekly sa Ilocos Region. Maliban sa pagiging aktibo niya sa print media, aktibo rin siya sa pagiging miyembro ng broadcast media.

LEAVE A REPLY

Please enter your comment!
Please enter your name here