Grade 10 student kinasuhan ng 9 counts of rape

0
254

SILANG, Cavite — Isang 17-anyos ang nasa Grade 10 ang inaresto ng lokal na pulisya kamakalawa bunsod sa kasong 9 counts of rape na isinampa laban dito kaugnay ng dalawang insidente ng panggagahasa sa nasabing bayan.

Nasa kustodiya ng Municipal Social Welfare Development (MSWD) ang naarestong suspek na itinago sa pangalang “Drigo” dahil sa pagiging menor de edad na residente ng Brgy. Malabag, Silang, Cavite.

Patung-patong na kaso ang kinahaharap nito dahil sa reklamong panggagahasa sa dalawang dalagang may edad 18 at19.

Ayon sa report ni SPO3 Arnel Mendoza ng Silang, Cavite MPS Warrant Section, dakong alas-2:30 nang hapon nang isilbi ang warrant of arrest na inisyu ni Hon. Raquel Asoiras-Sanchez, Presiding Judge ng RTC Branch 3 Family Court ng Tagaytay City, Cavite laban sa naturang suspek sa kanilang bahay.

Ayon kay Mendoza, nasa pagitan ng August 2017 nang naganap ang panghahalay umano ng suspek sa mga biktima sa Brgy. Malabag, Silang, Cavite kung saan mga katropa umano nito ang dalawang babae.

Ang kasong Rape by Sexual Assault ay may inirekomendang piyansa na P200,000 gayunman, wala umanong inirekomendang bail para sa walong kaso ng suspek.

Pansamantalang inilagay sa kustodiya ng MSWD ang suspek dahil sa pagiging menor-de-edad nito gayunman posibleng ilipat na sa regular na detention cell pagdating ng July kung saan 18-anyos na ito.

LEAVE A REPLY

Please enter your comment!
Please enter your name here