Home Ok Ka Lang Kumpolsaryong uri ng edukasyon sa bansang Japan

Kumpolsaryong uri ng edukasyon sa bansang Japan

344
0
SHARE
Opinion Column by Naneth T. Hirano

SA bansang Japan ay may obligasyon ang mga magulang na sundin ang sistema ng kanilang gobyerno sa pagpapaaral ng kanilang mga anak sa paaralan!

Kinakailangang ang isang mag-aaral ay makatapos ng kanyang anim na taon sa elementarya, tatlong taong junior high school, tatlong taon sa senior high school at apat na taon sa unibersidad o kolehiyo.

Samantalang ang mga batang anak na may mga banyagang citizenship ay maaaring pumasok o mailipat sa lokal na paaralangg pang-elementarya o junior high school na may kahalintulad ding gastos ng isang estudyanteng Hapon.

Maaring kumunsulta sa Municipal Administrative Office ng inyong lugar ang isang magulang na gustong maipasok o mailipat ng paaralan ang kanyang anak.

May mga kindergartens na nakalaan para sa mga under age na mga bata.

Meron din namang mga espesyal na miscellaneous at training schools para sa mga junior at senior high school graduates na ang mga itinuturo ay kaalamang pawang pang vocational.

May mga paaralan din ang bansang Hapon na nakalaan para sa mga batang may mga kapansanan na nagbibigay ng kaalaman sa mga may special needs.

Nahahati sa tatlong uri ang kategorya ng kanilang mga paaralan ng naaayon sa nasasakupan nitong pamahalaan.

Una, ang pamahalaang nasyonal ay siyang nagpapatakbo at namamahala ng mga national schools.

Samantalang ang mga pampublikong paaralan ay pinamamahalaan naman ng mga lokal na pamahalaan o munisipyo.

Ang mga incorporated educational institutions naman ang siyang namamahala sa mga pribadong paaralan.

Hindi na kailangan pang kumuha ng entrance exam ang lahat ng mga estudyanteng nais na pumasok sa mga pampublikong paaralan.

Samantalang sa mga pribadong paaralan ay kinakailangan munang kumuha at makapasa sa entrance exam ang isang mag-aaral na gustong makapag-aral.

Ayon sa mga mag-aaral ng Japan ay mas exciting diumano ang buhay nila sa senior high school kaysa noong sila ay nasa elementarya at junior high school pa lamang.

Sa Japan ay may klasipikasyon ang kanilang high school education. At ang mga ito ay ang regular high school (KOTOGAKKO) at vocational high school o (KOTO SENMON GAKKO).

Mayroon din silang graduate schools o (DAIGAKU-IN) para sa mga nais na magkaroon ng masteral’s degree sa loob ng dalawang taong pag-aaral.

Samantalang limang taon naman ang kailangan para sa doctoral program (kasama na rito ang dalawang taon mula sa masterals degree program).

Bukod pa rito ang mga kurso ng medicine,veterinary medicine at dentistry.

Kaya naman kapag ikaw ay isang banyaga ay kinakailangang marunong kang magsalita at umintindi ng salitang Hapon.

Dahil sa salitang Hapon ang ginagamit nilang salita sa kanilang mga pagtuturo.

Sa kanila namang mga universities o (DAIGAKU) ay mayroon silang apat na taong kurso.

Samantalang sa junior colleges (TANDAI) ay mayroon namang dalawang taon o two year course programs.

Katulad ng mga mag-aaral na Hapon ang mga banyagang estudyante ay kinakailangang makapasa muna sa ibibigay sa kanilang entrance exam bago sila matanggap sa alimang paaralan o unibersidad na kanilang papasukan!

LEAVE A REPLY

Please enter your comment!
Please enter your name here