Lalaki patay sa banggaang motorsiklo vs L300 van

0
213

ILOCOS SUR — Patay habang ginagamot sa hospital ang isang 38-anyos na lalaki matapos na bumangga ng sinasakyan nitong motorsiklo sa isang L300 van nung Martes (November 12) ng gabi sa national highway sa Brgy. Poblacion East, San Ildefonso ng lalawigang ito.

Kinilala ng San Ildefonso PNP ang biktima na si Joselito Tagudar Tabin, Jr., may asawa at residente ng Brgy. Paras, Sto. Domingo, Ilocos Sur.

Base sa isinagawang imbestigasyon ng San Ildefonso-PNP, galing ng Bantay, Ilocos Sur ang biktima at pauwi na sa Brgy. Paras, Sto. Domingo sakay ng motorsiklo.

Nabatid na nang makarating sa lugar kung saan nangyari ang aksidente ay bigla umanong umagaw ng linya sa kabilang lane ang biktima kaya bumangga ang sinasakyan nitong motorsiklo sa nakasalubong nitong L300 van na minaneho ni Geronimo Lagasca na taga- Brgy. Pandayan, San Juan.

Ang biktima na nagtamo mga grabeng sugat sa iba’t ibang parte ng katawan ay agad na dinala sa Northside Doctors Hospital matapos ang insidente pero ilang oras lamang ang nakalilipas habang ginagamot ito ay binawian ito ng buhay. (RONDA BALITA Online)

LEAVE A REPLY

Please enter your comment!
Please enter your name here