SAN RAFAEL, Bulacan — Aabot sa 205 modified tambutso o improvised muffler (pipe) ng motorsiklo ang dinurog ng mga awtoridad makaraang pasagasaan ito sa isang pison sa nasabing bayan nitong Huwebes (Nov. 19).
Ayon kay P/Supt. Ferdinand Germino,. San Rafael chief of police, ang mga winasak na mga modified na tambutso ay nakumpiska sa nakalipas na ilang araw na pinaigting na kampanya ng pulisya laban sa maiingay na tambusto ng motorsiklo.
Binigyan diin naman ni Germino na ang pagkumpiska ng mga open pipe mufflers ay bilang kabahagi ng pinaigting na kampanya ng pulisya at lokal na pamahalaan.
“Kasi marami ang nagkalat na mga ganyan ngayon lalo na sa gabi. Hindi makapag-aral mga bata sa sobra ingay mga tambutso nila, tapos ginagamit sa drag racing ang iba niyan,” sadd pa ni Germino.
Dagdag pa ng masipag ng hepe ng San Rafael na tuloy tuloy ang operation namin laban sa mga improvised muffler para na rin sa kapakanan ng ating mga kababayan na gustong magpahinga sa gabi na nagagambala dhil sa ingay ng mga tambutso. (RONDA BALITA Online)
