Home News Report PAL ‘nangarag’ sa 10 araw na deadline ni Duterte

PAL ‘nangarag’ sa 10 araw na deadline ni Duterte

311
0
SHARE

NANGARAG diumano ang pamunuan ng Philippine Airlines (PAL) habang papalapit ang araw ng deadline na ibinigay sa kanila ni Pangulong Rodrigo R. Duterte para bayaran ang P7.28 bilyong atraso sa gobyerno.

Batay sa datos ng Department of Transportation (DOTr), umaabot na sa P7.28 bilyon ngayong buwan ng Setyembre ang pagkakautang ng PAL sa navigational fees nito at iba pang kailangang bayaran sa pamahalaan, partikular sa Civil Aviation Authority of the Philippines (CAAP) at Manila International Airport Authority (MIAA).

Kamakailan, inihayag ni DOTr Secretary Arthur Tugade na naglabas ng counter proposal ang PAL sa sinisingil sa kanila ng gobyerno na malaking pagkakautang sa unpaid navigational fees at iba pang bayarin.

Gayunman, ipinabalik umano ito dahil hindi katanggap-tanggap ang counter proposal ng PAL.

Nais ng PAL na magkaroon ng “amicable settlement” sa unpaid navigational charges nila na matagal na panahon nang hindi nababayaran.

Pero binigyang-diin ni Pangulong Duterte na kailangang bayaran na ito ng PAL at nagbantang ipasasara ang runway ng Ninoy Aquino International Airport (NAIA) na dinaraanan ng mga eroplano ng PAL kapag hindi nakatupad sa ibinigay niyang 10 araw na palugit.

Obligasyon ng naturang airlines na harapin at bayaran na ang matagal na pagkakautang nito sa mga kinauukulang ahensya ng pamahalaan kung saan mayroon silang malaking atraso.

SHARE
Previous articlePangulong Duterte handang humarap sa imbestigasyon ng Ombudsman
Next articleP4.90 itataas ng Gasul at Fiesta Gas, P2.75 sa Auto-LPG
Emmanuel "Manny" Dineros Balbin, an editor-in-chief of RONDA Balita, Lingguhang Pahayagan ng Masang Intelihente, and RONDA Balita Online News was a former seminarian of Oblates of Mary Immaculate (OMI) in Notre Dame University Seminary in Cotabato City. Graduated Philosophy as major course, Political Science as minor, at the University of Santo Tomas, Legaspi City but landed and became a journalist. A former Journal Group of Publication (People's Journal, Peoples Tonight, Taliba & Women's Journal) staffer for 17 years. Before he was simultaneously contributed news articles to 3 local newspaper in Bulacan (NewsCore, MetroNews & NewsWatcher). A former Journal Group Bulacan correspondent, Kabayan provincial reporter, 2010 Bulacan election correspondent by Rappler and presently, a stringer of Philippine News Agency (PNA) Bulacan.

LEAVE A REPLY

Please enter your comment!
Please enter your name here