Home EXTRAFONTS Sports activities mahalaga sa working media

Sports activities mahalaga sa working media

128
0
SHARE
Opinion Column by Manny Camua Dela Cruz

LUBHANG importante ang sports activities sa mga masisipag na mamamahayag lalo na ang mga peryodistang subsob sa trabaho at nalilimutan nang magbatak ng kani­lang mga katawan.

Mahalaga kasi ang sports activity sa tulad nating mamamahayag dahil ang pagpapapawis ay mabuti sa kalusugan lalo na kung nagkakaedad na at may maintenance medicine na rin para sa high blood pressure.

Ang paglalakad ng kalahating oras kada araw ay mabuti para kalusugan. Sa pamamagitan ng paglalakad, mabilis na nasusunog ang maraming calories na nakaimbak sa katawan kaya ang mga atleta ay malayo sa sakit na diabetes at napapanatili kasi nila ang regular bp at cholesterol level.

Ang pangulo ng Bulacan Press Club Inc., na si Erick Silverio, ng Manila Times/Centro News, ay may proyektong bowling tournament para sa mga kasapi ng BPCI. Bahagi ito ng camaraderie ng mga kaanib ng BPCI at para na rin sa mga kasapi ng samahan na nalilimutan na ang sport activity.

Pero hindi ito basta palaro dahil may premyong nakalaan sa mga mananalong team. Ang first price ay 15k para sa team na mangunguna at mayroon ding premyo sa 3rd at 2nd placers, bukod pa ang special prices para sa ibang categories.

Anim na team ang maglalaro kaya ikinundisyon nang mabuti ng bawat team ang kanilang mga katawan para maging handa sa torneo. Sabi nila malakas daw ang red team, pero hindi magpapatalo ang aming grupo, ang white team.

Si pangulong Eric Silverio ay nakabilang sa blue team, kaya magandang laban ito. Sila Corsini, Eloisa, Roseth, Verna at Tony Arcenal ay nakapagpraktis na rin, pero nauna kaming nagpraktis ng bowling nina Manny Balbin, Eric. Rommel, Eloisa at Roseth.

Minsanan lang kung magpalaro ang BPCI, pero masaya naman kami press club dahil ang pagsasama-sama ng minsan sa loob ng dalawang taon sa pama­magitan ng sportsfest. (RONDA Balita Online News)

SHARE
Previous articlePositibo o negatibo man ang balita, impormasyon pa rin ang hatid nito sa masa
Next article3 BOD ng Plaridel Water District, pinabababa sa kanilang puwesto!
SI Manny Camua Dela Cruz ay hindi nag-aral ng kursong dyornalismo, subalit naging bihasa sa pagsusulat ng balita, lathalain at sanaysay. Ang kanyang talento ay pinanday ng mahabang karanasan sa larangan ng pamamahayag: Photo journalist sa simula; kalaunan ay naging provincial correspondent ng iba't ibang mga pahayagang nasyonal, naging reporter ng national dailies sa Kamaynilaan at naging editor ng national tabloid, naging editor ng national weekly news magazine. Sa kasalukuyan ay editor/editorial consultant ng ilang provincial-based newspaper sa Bulacan, kolumnista at contributing editor/writer nitong Ronda Balita Online/Weekly Newspaper.

LEAVE A REPLY

Please enter your comment!
Please enter your name here