Home Kakampi Ng Masa SSS pabibilisin ang serbisyo gamit ang e-channels

SSS pabibilisin ang serbisyo gamit ang e-channels

22
0
SHARE
Opinion Column by Thony DP Arcenal.

MAS kunbinyenteng serbisyo pa ng Social Security System (SSS) ang ibibigay ng digitalization.

Kung saan ipinamalaki ito ni SSS President at Chief Executive Officer Aurora C. Ignacio, aniya, bago pa siya naupo sa posisyon ay nagsimula na ang digitalization at ang proseso ng pagkakaroon ng mga bagong digital infrastructure ay makatutulong sa pagsasaayos ng serbisyo para sa mga miyembro at pensyonado.

Layon niya sa kanyang termino na mapabilis ang paglipat ng mga proseso ng ahensya sa digital.

Mga ’igan, mandato ng Social Security Commission ex-officio Chairperson Carlos G. Dominguez sa kanyang pag-upo sa pwesto noong Marso.

Maraming serbisyo ng SSS ang maaaring gawin gamit ang iba’t ibang electronic at self-service facilities gaya ng online na aplikasyon sa pagkuha ng SS number, pagkuha ng Payment Reference Number (PRN), pagsusumite ng employment report, pagsusumite ng contribution list o R-3 at loan collection list o ML-2, aplikasyon ng salary loan, sertipikasyon sa salary loan, gayundin ang pagsusumite ng notipikasyon para sa pagkakasakit at pagbubuntis.

Kabilang ang iba’t ibang electronic at self-service channels ng SSS ay ang SSS Website – My.SSS, SSS Mobile App, Self-Service Express Terminal (SET), Interactive Voice Response System (IVRS) at Text-SSS.

Puwede rin ang pag-aaplay ng retirement claim, pag-request para sa branch appointment, pagtatanong sa lokasyon ng mga sangay ng SSS, pagsusumite ng feedback, pagtatanong ng mga impormasyon ukol sa SSS, pag-eenrol sa PESO fund, pag-eenrol sa Flexi-fund at pag-request ng rekord.

Ipinatutupad din ng SSS ang Real-Time Posting of Contributions (RTPC) program noong 2018 kung saan ang mga bayad sa kontribusyon ay agarang naitatala sa rekord ng miyembro sa pamamagitan ng PRN.

Sa pamamagitan ng mga online at electronic channels, mapapadali na ang transaksyon ng mga miyembro at pensyonado.

Mga igan,sinabi ni Pangulong Duterte sa kanyang SONA na base sa bilang ng mga reklamong natanggap sa Hotline 8888 at Contact Center ng Bayan (CCB), ang SSS ay isa sa limang nangungunang ahensya na kinakailangan ng “malaking pagbabago” sa mga serbisyo nito.

Base kasi sa datos ng SSS, noong 2018 umabot sa 6,609 ang mga kaso patungkol sa SSS na tinanggap ng 8888 at CCB. Sa kabuuang bilang, 6,554 tawag ang naresolba o katumbas ng 99.55 percent resolution rate. Ang natitirang 55 tawag ay isinasaayos pa o naipagbigay alam na sa nararapat na sangay o departamento ng ahensya para maiproseso at patuloy na masubaybayan.

Nakatanggap ang SSS ng 7,089 na tawag noong 2018, kung saan ang 6,609 tawag ay natanggap mula sa Hotline 8888 habang ang 480 tawag naman ay mula sa CCB. Sa kabuuang bilang ng tawag na natanggap mula sa 8888, 5,174 tawag ang patungkol sa paghingi ng tulong, 52 tawag naman ay para sa suhestiyon/rekomendasyon, 41 tawag naman para sa komendasyon, at 15 tawag para sa mga katanungan, habang 847 tawag lamang ang mga reklamo.

Sa ilalim ng CCB, 236 tawag ang patungkol sa paghingi ng tulong, 48 tawag naman ay para sa komendasyon, 22 tawag para sa mga katanungan, at 9 tawag naman ay para sa suhestiyon/rekomendasyon habang 165 tawag naman ang mga tungkol sa reklamo.

Nabatid na karamihan o 35.05 porsyento sa mga tawag mula sa Hotline 8888 ay patungkol sa benespisyo sa pagreretiro, pagkamatay, pagkabalda, at pagpapalibing na sinundan ng member loans na may 17.43 porsyento at tungkol sa kontribusyon na may 13.40 porsyento.

Ang iba naman ay tungkol sa Real-Time Processing of Contributions, membership, benepisyo sa panganganak/pagkakasakit/employee’s compensation, tungkol sa website/online, at iba pang mga katanungan.

Mula naman sa CCB, 37.08 porsyento naman ng tawag ay tungkol sa pagbibigay ng serbisyo, 26.46 porsyento ay sa benepisyo sa pagreretiro/pagkamatay/pagkabalda/pagpapalibing, at ang 12.92 ay sa member loans.

Sinasagot ng SSS ang mga tawag mula sa CSC-Hotline 8888 sa loob ng 72 oras habang ang mga tawag naman na ipinagbigay alam sa mga nararapat na sangay o departamento, pagsagot sa mga ito, at pagbibigay ng feedback sa CSC ay nagagawa sa loob ng 24 oras.

Maliban sa pagtawag sa Hotline 8888 at CCB, maaari ring ipagbigay alam ng mga miyembro ng SSS ang kanilang mga hinaing sa iba’t ibang service delivery channels tulad ng SSS hotline 920-6446 hanggang 55, social media accounts, at e-mail o bumisita sa kahit alinmang pinakamalapit na tanggapan ng ahensya.

Para sa inyong mga reklamo ang mag send lamang sa email na thony.arcenal@gmail.com (RONDA Balita Online News)

LEAVE A REPLY

Please enter your comment!
Please enter your name here