Home Ok Ka Lang Tattoo sa Japan ay may malalim na ispiritwal na kahulugan!

Tattoo sa Japan ay may malalim na ispiritwal na kahulugan!

363
0
SHARE
Opinion Column by Naneth T. Hirano

HINDI pala basta-basta lamang ang mga ginagawang pagpapatatoo ng mga Hapon sa iba’t ibang parte ng kanilang katawan.

Dahil sa may malalim pala itong ispiritwal na kahulugan kung bakit nila ito ipinatatoo.

Hindi katulad dito sa atin na kung ano na lang ang maisipan at sa tingin nila maganda ay siya nilang agad na ipinatatatoo sa ibahagi ng kanilang mga katawan.

Meron dahil sa tindi ng pagmamahal nila sa kanilang mga ina ay ipinatatatoo ang salitang Ina Ko at kapag ama naman ay Ama Ko.

Para ipakita naman na talagang mahal ng isang lalaki ang kanyang nobya o asawa ay ipinatatatoo naman sa kanyang dibdib na katapat mismo ng kanyang puso ang pangalan nito.

Minsan naman ay pangalan ng mga bansang kanyang napuntahan o salita ng ibang bansa ang mga ipinatatatoo sa kanilang mga katawan.

Pero sa bansang Japan ang mga tatoo na makikita mo sa kanilang mga katawan ay maaaring masabi mong isa na sa pinakama-impluwensiyang estilo.

Nagsimula diumano ang mga pagpapatatoo na ito noong JAP YAYOI JIDAI – ERA taong 300-900 BC at 250-300 AD ayon sa mga atcheological periodization ng kasaysayan.

Taong 300-600 AD sa panahon ng KOFUN ay nagsimulang gamitin ang mga tatoo bilang palatandaan o marka ng mga kriminal.

Ang mga katutubong AINU na nanirahan ng libo-libong taon sa Japan ay maituturing na malaki rin ang naging impluwensiya nito sa sining ng Japanese Tatooing dahil sa pagpapatatoo ng mga ito sa kanilang noo, bibig at kamay.

Malaki rin ang naging impluwensiya ng direksiyon sa pinong sining ng UKIYU- E ang mga kopya ng XYLOGRAPHIC sa Japanese tatoo.
Si KUNIYOSHI na kilalang maimpluwensiyang artista ng Ukiyo-e ay naglarawan ng 108 na imahe ng mga bayani ng sikat na nobelang SUIKODEN na siyang patok sa sining ng tatooing ngayon.

Ang mga tatoo naman ng mga YAKUZA na kilalang organisadong krimen sa Japan ay tinawag nila itong TRADITIONAL JAPANESE TATOO dahil sa ang mga ito ay may malapit na kaugnayan sa mga kriminal.

Sa paglalagay ng mga Hapon ng tatoo sa kanilang mga katawan ay mayroon pa rin silang sinusunod na kapaniwalaan.

Tulad halimbawa ng mga imahe ng mga ULAP! Sa itaas diumano ng bewang dapat ipinatata-tatoo ito dahil sa ang kinakatawan nito ay KALANGITAN!

Samantalang ang imahe naman ng mga ALON ay dapat sa ilalim ng bewang ipinatata-tatoo.

Mahigpit namang ipinagbabawal o hindi pinapayagang ipatatoo sa ilalim ng bewang ang imahe ng BUDDHA dahil sa magiging walang pakundangan ang taong magpapatatoo nito.

Kapag ang disenyo ay BULAKLAK, kinakailangang maging angkop o tumutugma sa mga balangkas ng isang hayop ang tatoo.

Ang CHRYSANTHEMUMS at MAPLES naman ang maaaring itugma na imahe kapag ang ipapatatoo ay ISDA ang disenyo.

May isang kapaniwalaan na ang pinagmulan ng pagpipinta o pagpapatatoo sa katawan ay tradeisyon ng mga sikat at kilalang mga kriminal.

Ang mga tatak o markang ito ang siyang pagkakakilanlan ng mga magnanakaw at mga mamamatay tao na sila ay hindi na maaaring makabalik sa normal na buhay ng mga tapat na mamamayan.

Branded o kilalang grupo ng mga kriminal naman ang pagkakilala sa mga bumubuo ng CLAN YAKUZA.

Hanggang sa kasalukuyan sa Japan ang mga imahe o mga tatoo sa katawan ay nauugnay pa rin na isang MAFIA NETWORK.

Ang mga tatoo ng Clan Yakuza ay kinilala at tinawag na IDZUMI! Na kung saan ang mga larawang itatatoo ay dapat na ilapat sa kanilang buong likuran, bewang dibdib at mga kamay.

May tatlong klase o uri ng tatoo ang mga Hapon! Ang mga ito ay KAKUSI – BORO, ISZUMI at GAMAN.

Ang KUKUSI-BORON ay isang uri ng espesyal na tatoo na makikita lamang sa bahagi ng mga hita o sa mga kilikili.

Ang ibig sabihin naman ng ISZUMI ay MGA TATOO SA ESTILO NG HAPON o CHORIMONO sa iba pang kahulugan!

SHARE
Previous articleAraw ng mga dakilang ina
Next articleKapitan ng Barangay Lumangbayan, bago na!
Neneth Tayao Hirano has over 20 years of experience in broadcast journalism. A graduate of Mass Communication Major in Broadcasting at Far Eastern University. Born October 28, 1955 at Plaridel, Bulacan. She started broadcaster at DWAN 1206, followed at DWGV 792 and then DZXQ 1350. A former publisher of a local newspaper -- TUDLA. And from broadcasting, she became a columnist of local papers in Bulacan, the CMT UPDATES and Bulacan Catcher. Currently, she is RONDA Balita’s columnist based in Japan.

LEAVE A REPLY

Please enter your comment!
Please enter your name here