Wanted sa Palawan, nasakote sa Cavite

0
656

DASMARIÑAS, Cavite — Nasakote ng otoridad ang isang kusinero na wanted sa Palawan sa kasong pangmomolestiya noong Miyerkules ng tanghali sa SM Dasmariñas, Barangay Sampaloc dito sa nasambit na bayan.

Ayon kay SPO2 Gerardo Sobrepena, ang nahuling wanted ay kinilalang si Shirlito Andao, alyas Lito, 42 anyos, tubong Magsaysay, Puerto Princesa City, Palawan at kasalukuyang nagtatrabaho bilang cook sa Kusina Gracia na may sangay sa SM Dasmariñas.

Base sa inisyal na imbestigasyon, dakong alas-12 ng tanghali ng isilbi at arestuhin ang suspek sa bisa ng arrest warrant na inisyu ni Hon. Judge Jocelyn Sundiang Dilig ng Regional Trial Court Branch 47 ng Puerto Princesa City para sa kaso ng paglabag sa Violation of Sec. 5 ng R.A. 9262 na may petsang Sept 2017.

Pansamantalang nakadetine ang suspek sa Dasmariñas Jail at may inirekomendang piyansang aabot sa halagang P120,000. (RONDA Balita Online News)

LEAVE A REPLY

Please enter your comment!
Please enter your name here